Tbilisidə Ermənistan səfirliyi qarşısında Dilqəm Əsgərov və Şahbaz Quliyevə azadlıq tələbi ilə aksiya keçirilib

2017/11/18 13:58
Tbilisidə Ermənistan səfirliyi qarşısında Dilqəm Əsgərov və Şahbaz Quliyevə azadlıq tələbi ilə aksiya keçirilib

Ermənistanın Gürcüstandakı səfirliyi qarşısında etiraz aksiyası keçirilib.

APA-nın yerli bürosunun xəbərinə görə, tədbir metronun Marcanişvili stansiyası qarşısından yürüşlə başlayıb. Aksiyada Azərbaycanın işğal olunmuş Kəlbəcər rayonunda girov götürülmüş və separatçı Dağlıq Qarabağ rejiminin qeyri-qanuni məhkəməsi tərəfindən azadlıqdan məhrum edilmiş Dilqəm Əsgərov və Şahbaz Quliyevə azadlıq tələb olunub.

“Azərbaycanlı girovlara azadlıq!”, «Ermənistanın işğalına son!» şüarları altında keçirilən tədbirə azərbaycanlıların yerli təşkilatlarının nümayəndələri, azərbaycanlı fəal gənclər və tələbələr qatılıb.

Aksiyada iştirak edən D. Əsgərovun oğlu Kürdoğlu Əsgərov deyib ki, artıq 4 ildir azərbaycanlı girovlar qanunsuz olaraq erməni girovluğunda saxlanılır. O qeyd edib ki, aksiyanın keçirilməsində məqsəd dünya ictimaiyyətini azərbaycanlı girovların taleyinə biganə qalmamağa çağırmaqdır.
Aksiyaya dəstək olan Rusiya vətəndaşı Svetlana Şaqayeva Rusiya prezidenti Vladimir Putini Ermənistan girovluğunda olan azərbaycanlıların  azad olunmasında vasitəçilik etməyə çağırıb:  «Rusiya vətəndaşının Ermənistanda 4 ilə yaxın girovluqda saxlanılması qanunsuzdur. Belə çıxır ki, Ermənistan Rusiyaya qarşıdır. Sarkisyan öz xalqının düşmənidir. Ermənistanda yalnız yaşlılar və uşaqlar qalıb, iqtisadi vəziyyət acınacaqlıdır. Ermənistan əhalisinin yarıdan çoxu Rusiyada işləyir və ailələrini saxlayırlar».

S. Şaqayeva yaşlı insanların qanunsuz həbsdə saxlanılmasını insanlığa sığmayan hal adlandırıb: «Onlar azadlığa buraxılmalı və doğmalarına qovuşmalıdırlar».
Tbilisi meriyası ilə razılaşdırılmış aksiya zamanı heç bir insident olmayıb.

 

QEYD EDƏK Kİ, aksiyanın təşkilində və icrasında Müvəkkil Hüquq Mərkəzinin sədr müavini Könül Quliyeva fəal iştirak edib

“Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsinin yekun tədbiri keçirilib

2017/08/15 21:26
“Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsinin yekun tədbiri keçirilib
Avqustun 11-də Müvəkkil Hüquq Mərkəzi tərəfindən həyata keçirilən “Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsinin yekunları ilə bağlı tədbir keçirilib.

Tədbiri giriş sözü ilə açan Müvəkkil Hüquq Mərkəzinin sədri Səməd Vəkilov, layihənin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə 4 ay müddətində həyata keçirildiyini bildirb.

Təşkilat rəhbəri əlavə edib ki, həyata keçirilən layihənin məqsədi müharibə veteranları, əlillər və digər həssas sosial qruplar üçün hüquqi dəstəyin təşkili edilməsi ilə onların maariflənməsinə xidmət etməkdir. Layihə çərçivəsində 5 qeyri – hökumət təşkilatı ilə əməkdaşlıqda maarifləndirici görüşlər təşkil edilmişdir. Bu görüşlərdə ümumilikdə 100-ə yaxın müharibə və əmək veteranı, 20 yanvar əlili, sağlamlıq imkanları məhdud şəxslər və digər həssas sosial qrup nümayəndələri iştirak etmişdir.

Tədbirlərdə görüş iştirakçılarını maraqlandıran məsələlər ilə bağlı məlumatlar vermiş və ehtiyacı olan şəxslər təşkilatın ofisinə dəvət edilərək əlavə hüquqi yardım göstərilmişdir. Bundan başqa layihə çərçivəsində təşkilatın ofisinə müraciət edən 30 yaxın vətəndaşa hüquqi yardım göstərilmişdir.
Təşkilatın sədr müavini Mobil Vəkiloğlu qeyd edib ki, informasiya əlçatanlığının təmin edilməsi məqsədi ilə müharibə veteranları, əlillər və digər həssas sosial qruplar bağlı müvafiq qanunvericilik aktları haqqında informasiyalar, müvafiq sosial qrupların imtiyazları və hüquqlar ilə bağlı məlumatlar hazırlanaraq təşkilatın saytı- www.muvekkil.az-da “Sizin Hüquqlarınız” bölməsinə daxil edilmişdir.
Layihə çərçivəsində əməkdaşlıq edilən təşkilat rəhbərlərindən Azərbaycan Respublikası Müharibə, Əmək və Silahlı Qüvvələr Veteranları Təşkilatının sədr müavini, ehtiyatda olan polkovnik Cəlil Xəlilov, Azərbaycan Vətən Müharibəsi Veteranları Birliyi Səbail rayon şöbəsinin sədri İlham Əliyev, “20 yanvar” ictimai birliyinin sədr mavini Mustafa Əliyev bu kimi layihələrin əhəmiyyətini və həssas qruplar üçün göstərilən hüquqi xidmətin vacibliyini qeyd etmişlər.
Müzakirələrdə iştirak edən, strategiya.az saytının rəhbəri İsmayıl Qasımov, “İnformasiya Təşəbbüslərinə Dəstək” ictimai birliyinin sədri Cəsarət Hüseynzadə, jurnalistlər və QHT nümyəndələrindən Mahir Qəribov, Elnur Elturk, Bəxtiyar Abdullayev və digər layihə çərçivəsində görülən fəaliyyətlə bağlı fikirlərini və təkliflərini bildirmişlər.

Layihə çərçivəsində 20 yanvar əlilləri ilə görüş keçirilib

2017/08/10 20:31
Layihə çərçivəsində 20 yanvar əlilləri ilə görüş keçirilib
Avqustun 5-də   “Müvəkkil” Hüquq Mərkəzi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən  “Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsi çərçivəsində  “20 yanvar” ictimai birliyində  birliyində  20 yanvar əlilləri ilə hüquqi -maarifləndirici görüş keçirilib.
Görüşü giriş sözü ilə  açan Müvəkkil Hüquq Mərkəzinin sədri Səməd Vəkilov çıxış edərək bildirmişdir ki, həyata keçirilən layihənin məqsədi müharibə veteranları, əlillər və digər həssas sosial qruplar üçün hüquqi dəstəyin təşkili edilməsi ilə onların maariflənməsinə xidmət etməkdir. Təşkilat rəhbəri bildirib ki, layihə dövründə xeyli həssas sosial qruplar üçün hüquqi yardım təşkil edilib və bu insanlar arasında 20 yanvar əlilləri də var.
“20 yanvar” ictimai birliyinin sədr müavini Mustafa Əliyev də çıxış edərək, 20 yanvar əlillərinin əsas problemləri və bu problemlərin qanunvericilikdə aradan qaldırılası ilə bağlı fikirlərini bildirmişdir.
Daha sonra Müvəkkil Hüquq Mərkəzinin sədri Səməd Vəkilov və təşkilatın hüquqşünası Mobil Vəkiloğlu 20 yanvar əlillərinə verilən əlavə hüquq və imtiyazlar haqqında geniş məlumat verdilər.
Görüş diskussiya və sual — cavab formatında davam etdirilib. Görüşdə səslənən bəzi fikirlərlə bağlı təkliflərin hazırlanaraq müvafiq qurumlara təqdim olunması qərara alınıb.

Qarabağ Qaziləri ilə görüş keçirilib

20:27
Qarabağ Qaziləri ilə görüş keçirilib
İyulun  27-də “Müvəkkil” Hüquq Mərkəzi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən  “Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsi çərçivəsində  “Qarabağ qaziləri” birliyində Qarabağ müharibə veteranları ilə hüquqi -maarifləndirici görüş keçirilib.

Görüşü giriş sözü ilə  açan Müvəkkil Hüquq Mərkəzinin sədri Səməd Vəkilov çıxış edərək bildirmişdir ki, həyata keçirilən layihənin məqsədi müharibə veteranları, əlillər və digər həssas sosial qruplar üçün hüquqi dəstəyin təşkili edilməsi ilə onların maariflənməsinə xidmət etməkdir. Təşkilat rəhbəri bildirib ki, layihə dövründə xeyli həssas sosial qruplar üçün hüquqi yardım təşkil edilib və bu insanlar arasında Qarabağ qaziləri də var.

“Qarabağ Qaziləri” birliyinin sədri Etimad Əsədov isə çıxışında göstərilən hüquqi xidmətə görə layihə icraçılarına təşəkkürünü bildirib.
Daha sonra Müvəkkil Hüquq Mərkəzinin sədri Səməd Vəkilov və təşkilatın hüquqşünası Mobil Vəkiloğlu Qarabağ   müharibəsi əlilləri və veteranlarına qanunvericiliklə verilən əlavə hüquq və imtiyazlar haqqında geniş məlumat verdilər.
Görüş diskussiya və sual — cavab formatında davam etdirilib.

Müvəkkil Hüquq Mərkəzi maarifləndirici görüşləri davam etdirir

2017/07/23 23:32
Müvəkkil Hüquq Mərkəzi maarifləndirici görüşləri davam etdirir
İyulun  22-də “Müvəkkil” Hüquq Mərkəzi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən  “Müharibə veteranları, əlillər və digər həssas sosial qruplar üçün hüquqi dəstəyin təşkili” layihəsi çərçivəsində  Azərbaycan Vətən Müharibəsi Veteranları Birliyi Səbail rayon şöbəsində müharibə və əmək veteranları ilə hüquqi -maarifləndirici görüş keçirilib.
 
Görüşü giriş sözü ilə  açan Müvəkkil Hüquq Mərkəzinin sədri Səməd Vəkilov çıxış edərək bildirmişdir ki, həyata keçirilən layihənin məqsədi müharibə veteranları, əlillər və digər həssas sosial qruplar üçün hüquqi dəstəyin təşkili edilməsi ilə onların maariflənməsinə xidmət etməkdir
Azərbaycan Vətən Müharibəsi Veteranları Birliyi Səbail rayon şöbəsinin sədri İlham Əliyev çıxış edərək, Müvəkkil Hüquq Mərkəzi ilə rəhbərlik etdiyi təşkilatın 3 ildən artıqdır ki, əməkdaşlıq etdiyini və bu müddətdə təşkilatın hüquqşünasları tərəfindən onlar təmənnasız hüquqi xidmətlərin göstərilməsin xatırladaraq, öz təşəkkürünü bildirib.
Daha sonra Müvəkkil Hüquq Mərkəzinin sədri Səməd Vəkilov və təşkilatın hüquqşünası Mobil Vəkiloğlu müharibə və əmək veteranlarının  qanunvericiliklə verilən əlavə hüquq və imtiyazlar haqqında geniş məlumat verdi.
Görüşdə müharibə və əmək veteranlarını  maraqlandırlan  sualları cavabladırıldı.