Hərbi xəbərlərdə diqqətli olun!!!

2015/07/25 12:39
Hərbi xəbərlərdə diqqətli olun!!!

Verilişdə Vyetnam müharibəsi zamanı ABŞ-ın jurnalistlərə tətbiq etdiyi məhdudiyyət, Böyük Britaniyanın Folklənd savaşı zamanı jurnalistlərə rəsmən tətbiq etdiyi qadağa və s. haqqında danışılır və Azərbaycan mediasıyla müqayisə aparılır.

“İnformasiya təhlükəsizliyi milli təhlükəsizliyin mühüm elementidir” mövzusunda konfrans keçirilib

2015/07/24 21:33
“İnformasiya təhlükəsizliyi milli təhlükəsizliyin mühüm elementidir”  mövzusunda konfrans  keçirilib
Mediada İnnovativ Təşəbbüslərə Dəstək İctimai Birliyi (MİTDİB)  Bakıda  “İnformasiya təhlükəsizliyi milli təhlükəsizliyin mühüm elementidir” mövzusunda konfrans  keçirib.  Beynəlxalq Mətbuat Mərkəzində  keçirilən tədbirə  KİV  nümayəndələri,  internet fəalları və QHT təmsilçiləri  qatılıblar.
Tədbir, Azərbaycan Respublikasının Prezidenti yanında  Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən “İnformasiya təhlükəsizliyi milli təhlükəsizliyin mühüm elementi kimi” adlı layihə çərçivəsində baş tutub. Layihənin icraçısı Mediada İnnovativ Təşəbbüslərə Dəstək İctimai Birliyidir (MİTD İB).
Layihənin koordinatoru Müşfiq Ələsgərli bildirib ki,  tədbirin  keçirilməsində məqsəd internet üzərindən xəbər yayan informasiya istehsalçılarında və  ümumilikdə internet istifadəçilərində  yayılan informasiyalara görə yaranan hüquqi məsuliyyət barədə maarifləndirmə işi aparmaq olub: “İnternet üzərindən informasiya yayan vətəndaşlarda və qurumlarda yaydıqları informasiyalara görə daşıdıqları etik və hüquqi məsuliyyət barədə təsəvvür formalaşdırmaq günün vacib problemləri sırasındadır. Keçirdiyimiz tədbirdə internet üzərindən    informasiya yayan vətəndaşların  və qurumların  diqqət yetirməli olduqları nüanslar barədə müzakirələr keçirdik”.
Konfransda öncə hüquqşünas ekspertlər internet üzərindən yayılan informasiyalara görə yaranan hüquqi məsuliyyət mövzusunda məruzə ediblər.  Daha sonra tədbir iştirakçılarına söz verilib.    Azərbaycan  Jurnalistlər Şəbəkəsi İctimai Birliyinin sədri Ayaz Nizamioğlu,  Jurnalist Araşdırmaları Mərkəzinin sədri Seymur Verdizadə və digərləri informasiya hazırlığı zamanı qarşıya çıxan dillemmalar mövzusunda maraqlı fikirlərini paylaşıblar. Konfrans digər iştirakçıların çıxışları ilə davam edib

“Həyəcan Siqnalı”nın VİDEO-su yayıldı

2015/07/23 22:58
“Həyəcan Siqnalı”nın VİDEO-su yayıldı

“Azərbaycan Respublikasının Prezidenti Yanında Gənclər Fondu”nun və “İrəli” İctimai Birliyinin dəstəyi ilə həyata keçirilən “Həyəcan siqnalı”layihəsinə 24 iyul tarixində start veriləcəkdir.
Layihənin əsas məqsədi gənc jurnalistlərin hərbi sahədə bilik və bacarıqlarının artıraraq, vətənpərvərlik, milli dövlətçiliyə sədaqət, milli maraqlar uğrunda prinsipiallıq işlərinin təkmilləşdirilməsinə yardım etməkdir.
Layihə üçün çəkilən video artıq izləyicilərə təqdim olunub. Videoda jurnalistlərin etdiyi səhvlər, yaydıqları dezinformasiyalar və qanun qarşısında cavabdehlik mövzusu yer alır.
Videoda əsas ideya KİV-lər tərəfindən cəmiyyətə milli təəssübkeşliyin nümunəsini təqdim olunması, onun obyektiv və operativ informasiya ehtiyacını ödəmək missiyasını milli maraqlarla uzlaşdırmasıdır.
“Həyəcan siqnalı” layihəsi çərçivəsində müxtəlif media orqanlarında fəaliyyət göstərəcək 30 gənc jurnalistin Hərbi mətbuat tarixi, Jurnalistikada ədalət prinsipi, Müharibə jurnalistikasının qaydaları, Hərbi sahədə informasiya əldə etmək mədəniyyətinin inkişafı ilə bağlı nəzəri və praktiki bilikləri artırılacaq. Layihə Azərbaycanın gənc jurnalistlərinin informasiya müharibəsi müddətində qeyri-peşəkarlığını aradan qaldırılmasına, eləcədə vətənpərvərlik, azərbaycançılıq və dövlətçilik ənənələrinə sadiq qalaraq insanlarda təşviş yarada biləcək və ölkə maraqlarına zərbə vura biləcək informasiyaların yayılmasının qarşısının alınması yollarını təbliğ etməyə xidmət edəcək. Layihənin son günündə “Həyəcan günü” elan olunaraq gənc jurnalistlərin layihə çərçivəsində öyrəndikləri nəzəri bilikləri praktiki tətbiq etmək üçün şərait yaradılacaq.

Xüsusi qeyd: Filmdə istifadə olunan əsgər fotosu Nurfəs Əkbərova məxsusdur və «Babək Fərzəliyev» ad / soyadı şərtidir.

Layihə rəhbəri – Türkan NADİRQIZI
Ssenari müəllifi – Rəşid MUSTAFAZADƏ
Prodüsser & Baş operator – Kamil ƏMİRLİ
Operator – Elnur ƏLƏSGƏRLİ
Rejissor – Müşfiq MƏMMƏDOV

 

“İnformasiya təhlükəsizliyi milli təhlükəsizliyin mühüm elementidir” mövzusunda tədbir keçirib

22:56
“İnformasiya təhlükəsizliyi milli təhlükəsizliyin mühüm elementidir” mövzusunda tədbir keçirib

Mediada İnnovativ Təşəbbüslərə Dəstək İctimai Birliyi (MİTDİB) Mingəçevir şəhərində “İnformasiya təhlükəsizliyi milli təhlükəsizliyin mühüm elementidir” mövzusunda tədbir keçirib.

MİTDİB-in mətbuat xidmətindən bildiriblər ki, tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən “İnformasiya təhlükəsizliyi milli təhlükəsizliyin mühüm elementi kimi” adlı layihə çərçivəsində təşkil olunub. Mingəçevir Media Resurs Mərkəzində keçirilən tədbirə Qərb bölgəsinin yerli KİV-lərinin nümayəndələri, paytaxtda fəaliyyət göstərən KİV-lərin cəbhə bölgəsi üzrə akreditasiya olunmuş təmsilçiləri, həmçinin yerli internet fəalları və QHT-lərin nümayəndələri qatılıblar.

Layihənin koordinatoru Müşfiq Ələsgərli bildirib ki, tədbirin keçirilməsində məqsəd internet üzərindən xəbər yayan informasiya istehsalçılarında və ümumilikdə internet istifadəçilərində yayılan informasiyalara görə yaranan hüquqi məsuliyyət barədə maarifləndirmə işi aparmaq olub: “İnternet üzərindən informasiya yayan vətəndaşlarda və qurumlarda yaydıqları informasiyalara görə daşıdıqları etik və hüquqi məsuliyyət barədə təsəvvür formalaşdırmaq günün vacib problemləri sırasındadır. Mingəçevirdə keçirdiyimiz tədbirdə internet üzərindən informasiya yayan vətəndaşların və qurumların diqqət yetirməli olduqları nüanslar barədə müzakirələr keçirdik”.

Tədbirdə çıxış edən Jurnalist Araşdırmaları Mərkəzinin sədri Seymur Verdizadə, “Mingəçevir işıqları” qəzetinin baş redaktoru Fərman Nəbiyev, “El TV”nin əməkdaşı İnqilab Şirinbəyli və digərləri internet üzərindən yayılan informasiyaların yaratdığı hüquqi məsuliyyət mövzusunda tədbirlərin xüsusən sərhədboyu bölgələrdə keçirilməsinə zərurət olduğunu bildiriblər.

Dağlıq Qarabağ münaqişəsi və informasiya təhlükəsizliyi mövzusunda maarifləndirmə işlərinin həyata keçirilib

2015/06/22 21:31
Dağlıq Qarabağ münaqişəsi və informasiya təhlükəsizliyi mövzusunda maarifləndirmə işlərinin həyata keçirilib
08 – 18 iyun 2015 – ci il tarixləri arasında Azərbaycanın İsmayıllı, Qəbələ, İmişli bölgələrində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi və “Üfüq” Gənclərin İnkişafı Naminə İctimai Birliyinin təşkilatçılığı ilə “Ermənistan – Azərbaycan, Dağlıq Qarabağ münaqişəsi və informasiya təhlükəsizliyi mövzusunda maarifləndirmə işlərinin həyata keçirilməsi” adlı layihə həyata keçirilib.
Layihənin məqsədi Azərbaycanın milli təhlükəsizliyinə subyektiv səbəblərlə dəyə biləcək potensial zərərin qarşısının alınması məqsədi ilə düzgün və faydalı informasiya mənbələrindən istifadənin təbliği, Azərbaycan haqqında dünyada obtektiv, müsbət imic formalaşdırılmasına kömək etmək, Qarabağ həqiqətlərinin yayılmasında gənclər arasında informasiya texnologiyalarından faydalı istifadənin təbliği, İKT resurslarında erməni təbliğat maşınının üstünlüklərini zəiflədilməsi işinə gənclərin cəlb edilməsi, dünyanın müxtəlif ərazilərində yaşayan soydaş olmayan gənclərdə İKT resurları vasitəsi ilə Qarabağ münaqişəsi və Azərbaycan torpaqlarının Ermənistan tərəfindən işğal edilməsi ilə bağlı obyektiv təsəvvürün formalaşmasına tövhə verməkdir.
Layihə çərçivəsində İsmayıllı, Qəbələ və İmişli rayonlarında keçirilən seminarlarda İKT resurslarından faydalı və düzgün istifadə etməklə Azərbaycanın haqlı mövqeyinin müdafiə olunması, informasiya təhlükəsizliyinin qorunması, gənc nəslin Qlobal İnformasiya Şəbəkəsində Qarabağ həqiqətlərinin yayılmasında iştirakının təmin edilməsi, gənc nəslin erməni diasporası və lobbisinin anti-Azərbaycan təbliğatına qarşı əks təbliğatının gücləndirilməsi məsələlərinə diqqət yetirməsi kimi məsəslələrə toxunulmuşdur.
Seminar “Üfüq” Gənclərin İnkişafı Naminə İctimai Birliyinin sədri Nail Şükürov və tarixçi — ekspert Səbuhi Hüseynov tərəfindən aparılmışdır.
Əsas mövzular aşağıdakılar olmuşdur :
• Müharibə şəraitində informasiya təhlükəsizliyinin qorunması məsələləri;
• İKT resursları, sosial şəbəkələr – yeni metodlar, yanaşmalar;
• Qarabağa dair yerli və xarici internet resursları;
• Qarabağ həqiqətlərinin yayılmasında sosial şəbəkələrin rolu;
• Qarabağ mövzusunda vizual görüntülərin yayılması, Youtube.com sosial internet resursundan faydalı istifadə;
• Qarabağ mövzusunda jurnalist araşdırmaları haqqında;
• Qarabağ mövzusunda maraq doğuran internet səhifələrin analizləri
Eyni zamanda iştirakçılara Qarabağla bağlı yerli və xarici internet resurslar barədə məlumat verilmişdir. Sosial şəbəkələrdə iş metodları öyrədilmişdir.
3 regionun hər birində 2 gün ərzində keçirilən layihənin işində cəmi 324 nəfər iştirak etmişdir.
Layihə iştirakçılara müxtəlif nəşr paylama materialları da təqdim olunub.